MAHA
GOTRA SAREN PEJENG
Ceritanen
mangke ringatita kala, hana ta Brahmana
Ni Dayu kaputra denira Sang Pandya
aneng Pejeng, abot ta wetengniya Sang
Brahmani. Ri sampun pari purna cekni garbhaniya, mijil ta rare cakibi listwaywapkik bungcing ngaraniya waneh. Tan dwa
prasidha sanga warsa tuwuhniya Buncing ika, lunga ta sira mareng puser jagat
sinambi umulisak kutu ingkana, samangkana karmaniya tekaning panca desa warsa
wayahniya. Kancit ana ta erista ri madyaning pura, kadi blah natar ikang pura,
apan ana metu we segara aswara kadi gereh, tan saksana lindhu swa negareng
pejeng kala samangkana, nguni weh wring daya para janeng kana , dadiya ta
mahem-hem wateking amangkurat sadaya ,
makadi bendesa mwang para pandhya, sampun sinanmata denira makabehan,
mangdakaken caru manca kelud ring pura ka, nging tan kasidan ikang prayojana,
nguni-nguni mangkin ageng gereh swaran ikang we segara anan samangkanana
kahananiya, keresan manah sewange Pejeng , mwah ta murdaning Pejeng angadakaken peheman, duk samangkana matur Ki
Bendesa Pejeng. “ Singgih Sang aneng sabha karuhun para Rsi sadaya, ksamakna
yan salah atur ning hulun, yukti tan kasidan ikang yadnya maryakna gareh swara
ning we segareng pura, apan hulun lumihat Buncing makarwa, aneng pura umulisak
kutu ngkana, apan tan wenang mangkaneng pura, mangke yan tan Buncing makarwa
kalinebu tan mari kunang gareh ni segara”, mangkana haturniya Ki Bendesa.
Pnahayu
de sang aneng sabha, bipraya linebu Buncing makarwa, an mangkana rasani
paheman, umawada ta Sang Pandhya ring Buncing makarwa, “ Duh putungku Buncing ta kita, ayuwa soka ri kahananiya mangke, kita
wus kininki linebu ri we segara kang umetu ri nataring pura, ana pataka kadiki,
kita juga pinaka hetuniya, hanaki pawehni kakinta ri Buncing kakung, lontar pangeling - eling, danda cemara
wreksa, mwang gentha, pawehniya ri Buncing stri genep sarananing turun, yeka
wawanta ring endi kahananta dhala” mangkana ling kaki. Dadya umatur Buncing
kruwa, “kaki ksamakna hulun ri dosangku, tan wihang ri sapakonta, nging wehakna
ta hulun angaturaken sembah rumuhun ri bhatara makabehan, an tan ana wighana
tibeng hulun wekasan”.
Ri
wus angaturaken sembah, neher linebu ta sira saha yadnya manca wali krama,
rinede de sang Tri sadaka, Siwa soghatha mwah Bhujangga, wus samangkana, hilang
gereh ni we segaraka, malwi trepti Negareng Pejeng kadi nguni.
Nengakna
sakareng. Wuwusan mangke Buncing lanang wadon, sampun hana ring Batu nunggul
prabumya Nusa, mapuhara kangelan ta sira, teher araryanta sirakana. Duk maring
tukad Subyah irika tinugel danda cemara wreksa paweh Sang Kaki, neher
tinandurniya, matangniya hana pura Dalem Cemara katekaning mangke. Suwe aneng
Batununggul, anangunta sira Gerya, tetapi manah niya satata umangen
kawitan neng Pejeng, sekari tan
sidha kantun manahniya, Manawa ana tabeh telu enjing, mahyun ta sira lumihat
kawitanniya ring Pejeng, nging tan tunon sakarika angalih ta sira kategeh kuri,
saking kana tinonira wandira haneng Pejeng pangyeng ghneya. Dadi tusta idep
ira, mahyun amangun Pura Puser Jagat Cihnaniya menget ring kawitan.
Kalumra
tang wreta hananiya Buncing ring Batununggul, tinuta Pangeran Tangkas de I Dewa
Anom Pemayun andiryeng Gelgel caka 1587, mamariksa ya saha mawa patra pinaka
bukti tegal paweh ring Buncing. Kunangparimandala nikang tegal:
·
Wetan :
hangga Tukad subyah.
·
Kidul :
hangga taru agung, taru Bayuh.
·
Kulon :
hangga Tukad Celuk.
·
Lor :
hangga tepining segara.
Wus
lama Buncing irika kaworan ta sira, kalaningangrempini tan kuasa ngambuni
ambuni jinah, dadya inanyutan jinah ikaring kali, wus tutug wayah ni garbhaniya
presutha ta suthaniya apekik, wusadwijati inaranan Ida Gede Maos hana ring Maos, apan sira apoggala winawaniya juga
gentha keliliran ika, saha wenang
sira angaturaken panca yadnya,
luwire dewa yadnya, rsi yadnya, manusa yadnya, pitra yadnya, mwah bhuta yadnya,
saha anangunta sira Gerya angkana.
Nengakna
kata. Hana ta adining wang baliaga teng kurda ngaraniya, saha pun pan garanyam,
asubha karma prekertiniya, tan anuting agama, tan hana bakti ring Dewa Widhi,
tan hana atwangri sira Ida Gede Maos, nguni weh kalanira ngaturaken yadnya
mwang nyurya sewana, dateng te pan garanyam manembah ri Gerya nira, arep
amintonikemahatmyan sira Ida Gede Maos, ling Pan garanyam, “ Singgih Ida Gede,
patik dateng mangke, arepa minta genthan ta, mahyun kinalunganring sapining
hulun, yaniya lepaskarengadening hulun, endi palakuniya, “ mangkanahaturniya.
Sumahur Ida Gede Maos, “ Duh pan garanyam tan labda kita, apansaeka genthaning
hulun “. Amuwit tan amit pun pan Garanyam. Ring triya dinanniya teka mwah pan
garanyam, nging wanehpinintaniya, ling niya, “ Singgih Ida Gede, hulun aminta
bhawanta pinakatapuking tutuk ning sapining hulun, kalaniya lumanggala an tan
sida deniya amangan dukut “, mangkana haturniya pan Garanyam.
Sumahur
Ida Gede Maos, “ nispala juga kita pan Garanyam, apan saeka juga bhawaning
hulun “. Amuwit pan garanyamasemu kerangan. Nging ring triya dinaniya mwah ta
pan Garanyam umareking Ida gede Maos, lingniya,” Singgih Ida Gede hulun parek
bipraya aminta gentha mwah ”. Apan sampun ping tiga pan Garanyam umarek, dadi
sumahur Ida Gede Maos, ling nira, “ Duh pan Garanyam yan ika yukti pinriha
denta, ri kapan aku tan pasunga ring kita, nging yan sida ngangkat kedikniya de
rwang puluh lima, lah amet ta gentha ning hulun denta”, mangkana lingira Ida
Gede Maos. Dadi tusta manahniya pan Garanyam saha sahur,” Singgih Ida Gede,
aywa makweh kinonkon denta, gentha apeki
pira kunang buatniya, tunggal sida de mami umangkata”. ". Ngadeg Pan
Garanyam saha ngangkat ikang gentha, nging tan kumedep deniya , kawesan Pan
Garanyam saha muwit asemu kascaryan. Sadatengniya mwah dinulur dening
rowangniya limang puluh pretekanniya , nging tan kawenang juga ngangkat ikang
genthaka, rikana pun Pan Garanyam anantang ya yudha. Inanggyakna panantang ya
lawan Ida Gede Maos. Kroda kabangan ta wadananiya Pan Garanyam. Rame tang laga
pada sakti, teguh mawisesa, kalaka Pan Garanyam tinulung de manggalaning wong
Balyageng Nusa, Teng Kurda namaniya, staneng Sukun. Kunang palagganiya ri
watesing tukad Subyah, kala yudeng kana kasor Teng Kurda perang tanding lawan
Ida Gede Maos, apan kahananiya mangkana dadi minggat Pan Garanyam sakarika saha
bretyaniya. Kalaniya mangkana minta tulung Ida Gede Maos ring Ksatrya Pungakan
asasanak petang diri. Lingira, " Duh Satrya Pungakan maka petang diri,
mami minta tulung ri kita, yan sida denta mejahi Pan Garanyam saha rowangniya,
mami maweha ri kita, tani ri sisi lor tepining segara, saking kulon mawates
tukad Subyah". Umatur kapating satrya, "Hulun tan wihang ri
sapakonta, yan sida dengku aywa ta kita tusteng hati, nging yan tan sida aywa
duhkeng wredaya".
Nengakna
kata. Wistarakna mangke I Satrya Pungakan make petang diri dateng maring
Smarapura, manembah ri sang andiryeng kana prayojanan mawistarakna kahananiya
Pan Garanyam ri prabumi Nusa. Haturniya, "singgih pakulun nateng
Smarapura, carakan paduka pun Pan Garanyam haneng Nusa, tan inuting Agama, tan
hana rasa atwang ri samanta janma, swasaktiniya juga harapaniya, hulun mangke
kinon mejahi de Ida Gede Maos, aparanta rahadyan sangulun". Sumawur nateng
srnarapura, lingniya, " Eh kita Pungakan yan mabener polah niya Pan Garanyam
kadi saturanta, Aku sumanmata yan Pan Garanyam pinejahana, kadiyapa saktiniya,
nyang pusakanku ngaran I Tinjak Lesung pinaka sarana denta mejahi Pan
Garanyam". Mangkana ling saha panugrahaniya Sang Prabu. Umangkat Sang
Satrya Pungakan makapat .
Tan
caritanen sarnpun pwa ya dateng aneng Nusa . Tinantang ta Pan Garanyam ayuda.
" Eh kita Pan Garanyam aku prama bela ri Ida Gede Maos, uripta prihen
idenku, apan atinta atikatungka, moga atmanta ginedos ring tambra gohmukha
". Semangakana panantangniya Satrya Pungakan. Pan Garanyam tan surud
manahniya, dadya alaga ta silih suduk, rame yudhaka, tan dwa kena watengniya
Pan Garanyam tinuwek de I Tinjak Lesung , sumirat rahniya ususniya metu. Nging
Pan Garanyam tan surud engrana , mlayu ngambil petet binebedan tang garbha, mwah
ta ya laga. PimeJahanta Pan Garanyam saha rowangniya. Sesaning pejah mlayu tan
keni kawruhan lampahniya. An mangkana santosa ta prabumya Nusa, apan tan hana
wang kadi Pan Garanyam pambekanniya, dadya tusta ta sira Ida Gede Maos, tan
adwa sireng semaya, karananiya winehanta I Satrya Pungakan tani kadi rasaning
ubayaniya nguni , mwang Griya nireng Batununggul sinerahakna niya juga.
Neng
kata, walya kna mwah, duk Ida Gede Moos adwijati, sampun sira adrebya Santana
Iakibi , nging melama tanan wredya santananniya, matangniya angalih maring
" S A R E N ", rikana mwah
adrebya tani , watesniya :
Watesniya wetan : Pengalusan
Watesniya lor : Limo Bali
Watesniya kulon : Tumling
Watesniya kidul : Gunumg Dalwang
Ngkana
juga sira anangun GRIYA. Ri sampun
aneng Saren, makweh santananniya ana kesah ke GUNUNG WARI, ana ring KARANGSARI.
PUPUT
PETIKAN PRESASTI SANE
WENTEN RING SAREN, NUSA PENIDA
peiing
igunaayang gumi Nusane ring Maos, angadakang tulis preteken, sun wenten buktine
ring Nusa Maos, sane kawenang - wenangnyane, suwua pada luput sapakarangane
saputering maos mwang sapebanane mwang sakarep - karepane, sun pada jaluk
masesa mwang tan keneng pejah panjing sakantune ring dane Jro Gede Maos. Sun
pada luput mwang saredah - rendahe pada mabukti katemu ring rendahe, tan keneng
abahan mwang kasorohan kang weregta doning kawenang anunggang kuda petak,
anemokaken sangkul, atelempang solas, tan palar malih uga, anyaluk masesa, ne
kawenanganyane. Yen sira dosa arta maring ingsun, kna wenang ampura uga, tan wenang malih raos
ring surat ingsun, malih yen sira dosa pati ring ingsun, wenang tinindung
tigang wengi, mindah surat ingsun ring Majapahit, mutering Bali, saking
Pangeran Abian Tubuh, Pangeran Kenceng, Arya Sanggra Wijaya, wuwusamangicana
anjalukan uga Pangeran kawenang, yan sanak ingsun maliha uga ring surat iki,
sasih katiga, rah kanem, tenggek ulu yatika dwa kurung lima. Kang anyurat
penyarikan Pasek, kajengakna kang mawa rat laksananiya ngiring pekayunan Ida
Dalem Penguwug ring Pusering Tasik Pejeng. Dening tan masentana akeh malih
ngungsi desa kauh mawasta SAREN ".
PUPUT
0 komentar:
Posting Komentar